વર્ષ ભરની એ યાદો....

ભૂતકાળની એ વિતેલી ક્ષણો,ને ભવિષ્યમાં વિતાવવાની એ પળો.

જાણે પડછાયા ને પ્રતિબિંબ વચ્ચેનો નાતો શીખવી ગઈ.

વર્ષ ભરની એ ખુશી ને ક્ષણિક ભરની એ ઉદાસી,

પળ ભરમાં તો જાણે કલમની કલા શીખવી ગઈ.

સ્વાર્થ અને નફરતથી ભરી આ દુનિયામાં,

જાણે પ્રેમ અને પરોપકારની સમજણ શીખવી ગઈ 

કયારેક સુખ અને દુઃખની તો કયારેક કડવાશ ને મીઠાશ ભરી એ યાદો,

જાણે પાનખરમાં પણ વસંતની જેમ ખીલવાનું શીખવી ગઈ.

જૂના ને પુરાણા કહેવાતા રિવાજો વચ્ચે વિતાવેલી એ જીંદગી,

જાણે વધતી ટેકનોલોજી સાથે ચાલતા શીખવી ગઈ.

પ્રિય અને માનીતા મિત્રોનો માત્ર સુખોની પળોનો જ સાથ,

જાણે પારકા અને પોતાના વચ્ચેનો ભેદ શીખવી ગઈ. 

વર્ષના પહેલાને છેલ્લા દિવસની આ યાદો,

જાણે ભવિષ્યમાં સચેત રહેવાનું શીખવી ગઈ.